حياة الروح قصة سعودية رومانسية جريئة

الجزء الثاني:
في بيت أبومحمد..
أبو محمد:هذا والله اللي مهوب متسنع إلا بلسعة عقال على ظهره تربيه..
أبو فهد:يا خوي وسع صدرك هاه؟؟تلاقيه مودي زوجته لمكان منا و الا منا و إلا صار لهم ظرف..بسيطه.. شوي و إلا تلاقيه راز طوله قدامك..
أبو خالد:إلا وش أخبار التمر هالأيام(بغى يغير السالفة عشان أبو صالح المفول من الغضب)
أبو محمد من طرف عينه:مهوب تمر و أنا أخوك رطب رطب يا عبد الله..
أبو خالد و هو يطالع أخوه ناصر:و هذا اللي قلته هههههههههه..شرايكم نسيّر على المزرعة..
أبو فهد:والله إلا المزرعة يا خوك لا تنشد مرررة وديبها اليوم قبل باكر..بس موسم الصيد على الأبوااااااب كان نخيم في التنهات؟؟-يتنهد-إيييييييييييييييه..يا زين ذيك الأيااااام يوم الواحد فاضي..
أبو خالد:و أنت صادق يا خوووووي فاضي لا شغل و لا مشغلة بس تحتري هالحباري و الظبيان و تثووور فيهن..مير الحين كبرنا و حريمنا مهوب وجيه بران,,
هههههههههههه..تذكر يوم ثورت بقرناس..تذكر يا بو صالح؟؟
اكتفى أبو محمد بالابتسامة و شوي..
محمد و سلطان و بدر و نايف يدخلون للمجلس الكبيييييييير
و هم يضحكون..
نايف:هههههههههههههههههه أجل البرازيل هاه البرازيل يا شيخ روح لبق هناك رح شايب و يتحدى الشباب..(كان يكلم محمد)
زمجر أبو فهد على ولده:نووووويف و النكبة..الشياب يالأثول المنتهي تاج راسك..
نايف اللي انحرج:لا بابا شياب عن شياب يفرقون يالغالي(بغى يكحلها عماها)
محمد اللي استغل الفرصة:عمي تراه يسب لو أنا مكانك أفصخ عقالي و أرسم ظهره رسم..
سلطان:لا لا أنا أقترح النعال لأن مفعولها أقوى العقال يتنتف و يخرب لكن النعال تتمطط و تتمدد من الحرارة و أنا أق....
أبو محمد:سلطــــــــــان..
انتفض سلطان:سم طال عمرك .. و راح قعد جنب عمه أبو خالد..
أبو خالد:سلطان و ش هالكلام و أنا عمك لا ما ينفع النعال شارينها بفلوس غالية لالا أنا أقول حزام سلجار(السواق) ينفع..
و ضحكوا كلهم..
بدر:إلا وينه عمي سعود؟؟
بهالسؤال البسيط رجع التجهم لملامح أبو محمد و أبو فهد طالع ولده بنظرة..
....:السلام عليكم..
أبو محمد:كانك بتاخذ حزام سلجار فابدأ بهذا(يأشر براسه لجهة سعود)....يلله تفضلوا اقلطوا..
و تحرك أبو محمد و مر جنب سعود و لا ناظره أو قاله أي شيء و تخطاه أبو فهد بس قاله:وينك ؟؟
سعود:أبد رحت ل....
أبو فهد:بس..بس..هالعادة متى بتخليها..الله يهديك..(قاله و هو يهز راسه بأسف)
وراح أبو فهد و خلا سعود متفاجئ و منصدم..
أبو خالد:لا حول و لا قوة إلا بالله شفيك أنت شفيك؟؟ رد علي؟؟
سعود:رحت ل..
أبو خالد:بس و لا كلمة..(يمثل أنه معصب) لا تقاطعني أنت ما تستحي تجي متأخر عن أخوانك الكبار ليش على راسك ريشه و إلا على راسك ريشة؟؟هاه؟؟رد تكلم وراك كأنك أصمخ؟؟-يتكلم لبناني يعاير سعود بزوجته- آآآآآ شووو بيزهر الحكي مانو عاجبااااك ( و جو العيال الباقين بيتخطون أبو خالد عشان يروحون لغرفة الطعام-صرخ عليهم )و قفوا يا مال الوجعة ما تستحون أنتم تتعدون عمكم و هو قاعد وسط نقاش هادف..العيال انتفضوا و قعدوا... رجع يناظر سعود ..و ين كنا..؟؟ إيه.. نرجع لمحور حديثنا..رد علي وراك ساكت تكلم أشوف؟؟
سعود:رحت ل..
أبو خالد:بس بس سديت نفسي سد الله حلق العدو يلله قدامي أشوف قدامي جعلك الصلاح؟؟
أبو محمد من داخل غرفة الطعام:يلللللله انهجوا..(انهجوا يعني بسرعة)
أبو خالد و هو رافع صوته:ما تسمعون يلله أعوذ بالله معطلينا قاعدين يسولفون و الكبارية داخل يلله..
سعود و العيال ضحكوا على أبو خالد اللي كأنه أخوهم مو عمهم اللي ترتيبه عقب الكبير و المفروض يكون العكس أبو فهد هو المزوحي و أبو خالد هو الجاد الرسمي لكن أبو فهد تأثر بأخوه عبد العزيز بصورة كبيرة و أصبح يقلده في أغلب تصرفاته حتى في نبرة الصوت لكن ساعات يكون مرح..
راحوا غسلوا و دخلو لصالة الطعام الضخمة و الفخمة و الكبيرة...
(بيت العايلة كبيــــــــــــــــــــــــــــــــــــــــر على خمس أراضي بحيث صاير كأنه مجمع و مفتوح على بعضه و لكل واحد منهم فله محايطة بيت الجدة نورة و كل بيت أفخم من الثاني من حيث الديكورات و التصميمات و الأثاث و لكل بيت سواقين و عدد من الخدامات و في كل بيت حديقة و ملحق خارجي للشباب غير ملاحق السواقين و بيت شعر و في بيت الأم مسبح كبير محوط و مغطى بسقف..وصف المسبح بيجي في وقته بعدين..طبعاً تتسائلون شلون ريف تستأذن عشان تروح بيت جدتها اللي في نفس المجمع لأن أم فهد ما تحب تخلي عيالها يروحون هناك لانو الجدة نورة ما راح تخليهم بحالهم و اكيد بتعايرهم بأمهم غير ان الجدة نورة مهيب اصلا راضية على عيالها لانهم متزوجين من برا,,, و عايلة البن حمد من كبارية الرياض و أعرق قبايل نجد..و تميم.. لغناها و ثروتها الطائلة و شهرتها في مجال العقارات و المقاولات و التجارة)<<أنا ما حبيت أحط اسم عائلة معروفة عشان الإحراجات و ممنوع ومن هالكلام..
و هم على الأكل..
أبو محمد: نايف باليمين..
(نايف أعسر:يعني يستعمل و يعتمد على يده اليسار)
نايف:اوكي..
حاول نايف لكن ما قدر صار شكله غلط و انتثر بعض الرز على طرف الطاولة و قعد بدر يضحك عليه..
أبو محمد:بــــــدر انكتم لا والله أخليك تلقمه الحين..
انصدم بدر و سكت و الكل سكت و صاروا يطالعون أبو محمد و بدر..
أبو محمد مسح فمه بالمنديل عشان ما يشوفون ابتسامته:الحمدلله..و قام و لما طلع..
الكل:هههههههههههههههههههههههههههههههههههه..
سعود:شفتوا شكل بدر و الله تحفة وين الوليد يشوفك؟؟ هههههههههههههههههههههههههههههههههههههههه..
أبو فهد:هههههههههههههههههههههه أتخيل بدر يأكل نايف بيده..
بدر حمق و عصب.. بعدين ضحك معهم و الكل كمل عشاه...

.......
في السيارة..
حلا:هاااااااي..
ريف و راما:هااااااايات..
حلا:سوري تأخرت عليكم بس كنت أدور بوكي..
ريف:لا عادي ..عبد الغني يلله روح الفيصلية..
عبد الغني:أبشر عمتي..
راما:حلو(دلع حلا) شخبار أمي نورة؟؟
حلا:والله بخير بس مشيبة راسي هي و هالدوا اللي أراكض وراها عشان تاخذه..
راما:ههههه أمي نورة عنيدة الله يرفعها بالعافية..
الكل:آمين..

...............
في بيت أبو محمد..
في غرفة لمار..
لمار:لا تحاول..
منصور:حبيبتي تكفين و الله آسف واللـــــــــــــه آســـــــف..
لمار:يا سلااااااااااااااااااام ووين أصرفها هالآسف علمني قولي ما في بنك يقبلها...no no no...
منصور برقة:في بنك قلبك اللي فيه أثمن المشاعر اللي ما تنوزن بثروة..
لمار:يا سلااااااااااااااااااااام ايه بيع بيع الكلام علي و أنا آكل تبن إذا مارديت علي.. لا والله لازم تحس باللي حسيت فيه.. عنبو بليسك قلبي طاح ظنيت جاك شي..
منصور:بسم الله على قلبك حبيبتي مين قال إني ما حسيت بك والله حسيت حتى قلبي كان يقولي أنك خايفة علي..
لمار:منصووووووووووووور لا تكذب علي.. لا تــــــكذب..
منصور بحسرة:طيب شقولك إذا أنت مو راضية علي... شقول..؟؟
لمار:تقول يلله مع السلامة..
منصور:آآآآآآآآآآآآآآآآآآآآآآآآآآآآآآآآآآآه ...
لمار معصبة:تتنهد؟؟أكيد..ما صدقت تفتك مني؟؟بلاي أنا علة..أعل القلب..صح..
منصور:ميمي..تراك أتعبتي قلبي..
لمار:دام أني أتعبك وشوله ماخذني؟؟
منصور:لأنك تتعبين القلب من حلاتك و جمالك و خفة دمك و ذوقك و أسلوبك..(لمار تعض أصابعها من الحيا)ميمي أنت مرض قلبي..برضاك و زعلك..يا ويل قلبي منك..
لمار بنعومة:سلامتك..
منصور:حسيتي فيني؟؟
لمار:منصوري حبيبي أنت لازم تعرف أنك متزوج يعني في وحدة تقلق عليك و تشيل همك و عندها سلامتك و راحتك في المرتبة الأولى..
منصور يسمع كلامه و هو مغمض عيونه..أحبها يا ناس أحبها..بصوت رقيق:آسف..
لمار بصوت أكثر رقة:ما بينا أسف حبيبي..
منصور:خلاص طاح الحطب..
لمار:طاح و انكسر و انطفى و رمّد بعد..
منصور:يعني أجي..
لمار بحيا:البيت بيتك..
منصور بفرحة كبيرة:دقيقة دقيقة و أنا عندك يا روح منصور..
لمار بضحكة:ههههه حبيبي شوي شوي لا تستعجل..
منصور:تآمرين أمر مع السلامة..
لمار: مع السلامة..
و سكرت الخط و هي تحمد ربها أنها متزوجة من رجال يحبها و تموت فيه..منصور و لمار يحبون بعض من هم صغار و منصور من خلص الثانوية اشتغل في شركة أبوه حتى وهو يدرس الجامعة و ما قدر يصبر إلا وهو خاطب لمار..شوووووي.....
تدخل العاصفة الهوجاء لارا:شفتي شفتي..
لمار:بسم الله الرحمن الرحيم...(تحط يدها على قلبه)وشو؟؟ وش اللي أشوفه؟
لارا:ريفوه الخاينة رايحة مع حلا و رمرم للسوق و لا علموني شفتي..
لمار معصبة:الحين داخلة علي بكل وقاحة..(فتحت عيونها لارا)مثل البقرة الهايجة وشفتي و شفتي و شفتي و في النهاية راحوا للسوق؟؟شفيك أنتي هبلة و إلا مخفة..كيفهم خل يروحون أنتي شعليك و بعدين أنتي رايحة أمس مع لانا للسوق و لحستي بضايعهم كلها و بعد تبين تروحين...عيب يا لارا عيب أنتي في توجيهي يعني بنت كبيرة ناضجة ما....
لارا:oooooooh my good lord…o.k o;k fine..خلاص اسكتي و اللي يرحم والديك خلاص..أفففف..المهم أشوفك مستانسة أول ما دخلت شصاير..
لمار بحالمية و كأنها عايشة حلم:آآآآآآآآآآه ه ه لو أقول أحبه و أعشقه و أهواه و ميتة في غرامه شوي عليه شوي عليه sis..تصدقين قعد يراضيني عشان هو ما رد علي 4 مرات اليوم الصبح و ظن أني زعلانة منه..آآآآه ه ه أنا ما أزعل منه مستحيل أزعل منه..أحد يزعل من روحه؟؟آآآآه يا لولو لو تحسين..........(تلفتت و مالقت لارا) لارا...(تدورها) لارا...(عصبت)هين يا لويرا هين..

.....
في أمريكا..
في مقهى قريب من الجامعة..
فهد:أقول خالد..؟؟
خالد:هلا..
فهد:شسويت مع الدكتور غاليانو؟؟
خالد:أففففففففففف مدري لحد الآن مدري؟؟
فهد:وش اللي ما تدري؟؟
خالد:رحت له و قلت له أبسوي presentation عشان يرفعني عنده و قالي أفكر..يا خي غريبة؟؟
فهد:وش اللي غريبة؟؟
خالد:الدكتور كان عادي معي في البداية لكن بعدين تغير علي..صاير يعاملني بطريقة فظيعة..
فهد:طيب يمكن بدر منك تصرف؟؟ شيء؟؟
خالد:مستحيل أنا عارف نفسي ماسويت شي..
فهد:صدق غريبة..
قعدوا ياكلون عشان يروحون لمحاظراتهم..بعدين..
خالد كان شايل ساندويتش و تركه..
خالد:لا حول إلا بالله ..أففففف
فهد:شفيك؟؟
خالد:فهد قم قم خلنا نمشي من هنا قم..
فهد يتلفت:ليش؟؟
خالد:لا تلتفت..جيسكا موجودة هنا..
فهد بنظرة خبيثة:لاااااااااااااااااااااااااااااا..إيييييه جيسكا بنت الدكتور غاليانو....وليش انقلب وجهك من دخلتها يا يا يا الخاين..
خالد بصدمة:خـــــــــــــــــــاين؟؟
فهد و لازال على نظرته:إيييه أجل تخون أختي ياللي ما تستحي..
خالد بنظرة استحقار لفهد:والله أنك فاضي..أنا ماشي..
فهد:لحظه يا ولد..أووووه.. دفع فهد الحساب و مشى ورا ولد عمه اللي انصدم من ردة فعله..


منصور و لمار طيور الحب..بيستمر الوضع هااادي؟؟أو...
ياترى شسالفة جيسكا؟؟
و البنات اللي راحوا السوق؟؟شبيصير معهم؟؟
بقية الأحداث بتكون في الجزء الثالث من حياة الروح؟؟

............... انتظر الردود ..................

يثلموو اسووووولة ع المرور نورتي صفحتي بوجودج

مشكووووورة اختي روح الطفوولة على القصص الحلوة

مشكووووووووووووووره على القصه الحلوه بس بصراحه وايد طويله

حلوين وايد

يله اتمنى ردووووووووووووووووووووووود,,,




الجزء الثالث:
في الفيصلية:
نواف:مشاعل حرام عليك..يكفي..بس..والله العظيم يكفي..
مشاعل:الله عليك يا نواف..باقي لي أغراض فارس و لبس للولو..
نواف متفاجئ:لولو؟؟هاذي القزمة شباقي لها؟؟و الأكياس اللي شايلها؟؟نصها لمين؟؟مو لها النملة؟؟
مشاعل:اللللللللللللللللللللللللله؟؟شوف هالطقم نواف ما ينفع لفارس؟؟
نواف:إلا ينفع؟؟قيسي عليه؟؟
مشاعل(تلتفت تبغى فارس بس ما لقته):وينه؟؟(بخوف)وين فارس؟؟نواف؟؟فارس وينه؟؟
نواف(يتلفت..يدور ولد أخته):كان معك يالغبية ؟؟ليش ما انتبهتي له؟؟
مشاعل(مرتعبة على ولدها و شوي و تصيح): شدراني؟؟حسبته معك؟؟يا ويلي على ولدي؟؟
نواف بعصبية:امسكي أكياسك خلني أدور هالحمار؟؟
....
في نفس الوقت...
راما:لأ..أنا بروح لهارفي نيكلز..
ريف:يا حبيبتي..نروح للسواني و بعدين للي تبين..
راما:no..no..أنا أبشتري بلاوز عاجبني شفته في الواجهه و بجيكم..
ريف:بس..
حلا:لا بس و لا شيء..خليها تروح عشان نختصر الوقت..و بعدين هي غرض واحد و لاحقتنا..خلاص روومي..روحي و الحقينا..
ريف:بس..
راما(تقاطعها):أشوفكم على خير..
و راحت راما للمحل..و دخلته و شرت الغرض و هي طالعه..
نواف ماسك جواله يدق على أخته يسألها إذا لقت الولد و إلا لأ..
راما تدخل فلوسها في البوك ..
و......
و هي منزلة راسها ما انتبهت للولد اللي قدامها و صدمت فيه..و طاحت كيستها..
راما بغضب:وججججججع بلا يا تبن...أعمى؟؟ما تشوف؟؟
نواف يلتفت لها بعصبية:لا..أنت ال....(يطالعها من فوق لتحت)
راما:أنا ال..الإيش؟؟
نواف بسخرية:البزر المسبهه؟؟
راما بعصبية و خدودها حمرت من الغيض:انطم ياللي ما تستحي يالسخيف يالتافهه يالكمخة؟؟
نواف يهز راسه كأنه متأسف:وخري؟؟لا تضيعين وقتي؟؟(بصوت واطي)يالبزر؟؟(مشى عنها نواف)
راما نزلت تاخذ الكيس حقها و رفعت نفسها و رفعت خصلة كانت نازلة على عيونها و طالعت الولد و قال في نفسها مع ابتسامة سخرية:كمخة..عدلت عبايتها ومشت..
في نفس الوقت .. نواف التفت بغى يشوف البنت اللي صدمته .. بزر..بس حلوة.. ابتسم على هالموقف..و ما يدري ليش يحس أنه يعرف هالبنت؟؟
قطع عليه أفكاره صوت التلفون أخته اللي متصلة..رد عليها مبتسم..
نواف:هلا مشاعل..
مشاعل مستغربة:آسفة يالأخو أبي نواف لو تتكرم..
نواف:ههههه..معك نواف؟؟سمي.. آمري؟؟
مشاعل:مستحيل ما أصدق؟؟!!
نواف:لا حبيبتي..صدقي..ها لقيتي فراس؟؟
مشاعل:إيه لقيته في المحل اللي جنبنا يله تعال..
نواف:ثواني..
مشاعل سكرت الخط.. قعدت تطالع الشاشة و تشوفها مسغربة من طريقته في الكلام؟؟سبحان الله..
فعلاً رغم أن الموقف يتطلب انفعال و شعور يتناسب مع طبيعة الموقف.. إلا أنه طبع أثر و ترك نتيجة غريبة على نواف و راما..يا ترى شبيصير بينهم؟؟
...........

ريف:راما شفيك متنحة؟؟
راما:نعم؟؟
حلا:نعامة في بطنك ترفسك..وينك سرحتي يا حظي؟؟
راما:لا أنا ما سرحت أنا طرت.. ..
ريف:هههه شفيها ذي انهبلت؟؟
حلا:مدري عنها؟؟أقول هيـــــــــــه؟؟شفيك؟؟
راما:ههههههه..شفيكم؟؟مافيني شي؟؟
حلا:الحمد لله و الشكر..أقول حياتي حاسبي خلينا نروح للبيت ماودي نتأخر على أمي نورة..
ريف:أوكي..
حاسبوا و خلصوا و طلعوا و هم في المواقف..
.....:يا البن حمد؟؟
التفت ريف مستغربة للي يعرف عايلتهم..
مشاعل:السلام عليكم حبيبتي شخبارك(و سلموا على بعض باليد)هلا راما شخبارك حبيبتي؟؟هلا حلا؟؟(تهز راسها منى و في عيونها نظرة استغراب) كيف الحال؟
راما:تمام؟؟
حلا:بخير الحمد لله..
مشاعل:هههه شكلكم ما عرفتوني؟؟أنا مشاعل بنت مشعل..
ريف:شعــــــــــولة..هلا حبيبتي آسفة ما عرفتك؟؟ههههه..
مشاعل:هلا بك يا قلبي.. لا عادي..شخباركم..شخباركم يا حلا و شخبار عمتي نورة؟؟إن شاء الله صحتها أحسن؟؟
حلا:و الله بخير الحمد لله..تدرين هالسكر و هالضغط و الله يستر..
مشاعل:آمين يارب..
نواف يضرب البوري و التفتت راما معقدة حواجبها منزعجة من هالبوري و مسرع ما تغيرت ملامحها من الصدمة..
مشاعل:أففف..هذا نواف أخوي يضرب البوري..يللله أجل نشوفكم على خير..مع السلامة..
حلا و ريف:مع السلامة..الله يحفظك..
راما تمت متنحة في الولد اللي يطالعها و هو مبتسم..وجع يوجع بليسه هالشيفة..وراي في كل مكان..أعوذ بالله..
ركبت مشاعل السيارة و على طول سأل نواف..
نواف:مين هالبنات اللي سلمتي عليهم؟؟
مشاعل من طرف عينها:شدخلك؟؟يكفيك البنات اللي طايح عليهم وخل بناتنا لحالهم..
نواف:بناتنا؟؟
مشاعل:إيه..وحدة منهم بنت زوج عمتي نورة و الباقيات بنات ولدها ناصر..
نواف في باله:يعني البزر بنت ناصر..الله يالدنيا..
مشاعل:ماودك نمشي؟؟
نواف:هاه؟؟
مشاعل:هاه؟؟يا بو الشباب..امشي وراي زوج وبيت..
نواف:بالله؟؟في السوق ماوراك زوج وبيت؟؟و الحين يوم طلعنا..صار وراك زوج وبيت؟؟والله البلشة؟؟
مشاعل:ههههه
نواف:أممممم..
مشاعل:وش ورا هالأممممممم؟؟
نواف:غريبة البنات ما يتغطون؟؟
مشاعل:إيييييه..بلا الحمدلله و الشكر كل وحدة امها شكل و الله الله يعظم اجر عمتي نورة على عيالها..
نواف:بس يعني عيال نورة مثل ابو محمد و ذولي –متعيجز يقول اسمائهم- احس مرة شخصياتهم قوية .. غريبة؟؟
مشاعل:السوسات حريمهم هم السبب..قال اييييش ماخذينهم عن حب..و الله اذكر عمتي نورة بغت تنجلط من عبد العزيز يوم اخذ الامريكية و همن عيالها الباقين و لا وااااااااحد منهم اخذ له سعودية .. وجع ما ملوا عينهم بناتنا ..
نواف معقد حواجبه يفكر بس ما تكلم,,
مشاعل:ايه الله يعظم اجرها المسيكينة..
نواف: و الله خووووووش هالشياب ياخذون من برا و حنا ملزومن علينا ناخذ هالشيف؟؟
مشاعل عصبت: بلا بلا بلا يووووووووجع العدو مالت علييييييك ما شيفة الا انت يا قليل الخاتمة..
نواف:اقول انثبري لا الفك كف تطيحين من عيون عيالك..بسسسسسسس..
مشاعل سكتت و ما قالت شي و هي معصصصصصبة..
نواف سكت و هو حاس بقرف..
..
راما في السيارة سرحانة:يعني الولد اللي هاوشته ولد خالي مشعل؟؟يوووووووووووووووووه يالفشيلة شبيقول عني؟؟ بس والله حلو و مملوح و الأحلى اسمه نواف..هههه..
ريف:شرايك راما؟
راما:؟؟
ريف:روووووومي؟؟
راما:؟؟
حلا (ترجفها بركبتها):هييييييييييييه؟؟
راما(فزت):وجع يوجع بليسك؟؟خيييييييييييييير نعم نعم نعـــــــم..
حلا:أنعم الله عليك حبيبتي..ريف تسألك شرايك نمر مطعم نجيب عشا منه؟؟
راما:بكيفكم..
حلا مستغربة تطالع ريف اللي متعجبة من أختها..بالعادة إذا طرينا العشا..أول من ينط هي راما..لكن الحين..
ريف تحط يدها على جبهة أختها و راما تبعد عن يد ريف..
راما:بنت..شفيك؟؟
ريف بقلق:بشوف يمكن حرارتك مرتفعة؟؟
راما بضحكة بايخة:هههه..لا ما فيني إلا العافية..(الله يخسك يا ولد مشعل كانك قلبت مزاجي..يا ربييييه إذا ريف لا حظت شبيفكني من أسألتها)..أقول من وين بتجيبون عشا؟؟
حلا:والله أنا أشوف أبل بيز أنسب شي..
راما:لا يا قلبي ستيك هاوس أطعم..
ريف:لا هذا و لا ذاك..فذركرز اطععععم..
راما:يا سلاااااااااااااام..شمعنى أنت اللي تختارين و نوافق عليه؟؟ عبد الغني روح لستيك هاوس..
عبد الغني : أبشري طال عمرك..
ريف:لالالالالا روح لفرذركرز..
عبد الغني شوي و يصيح..
حلا:خلاص عبووود روح لستيك هاوس من زمان عنه ,,
عبد الغني:أبشري عمتي...
راما ضحكت و ريف ابتسمت بقهر ,,
........
في بيت أبو محمد..
في الخيمة..
سعود:لا لا لا لا ..غش يابو الشباب عيني عينك..
محمد: و ش اللي غش؟؟أقول قم بس قم..
سعود:وش اللي قم؟؟يغش و يسب؟؟و الله عجيبة..
أبو فهد:أوووووووش؟؟خير شعندكم؟؟خلونا نتابع الأخبار..
بدر:يبه أي أخبار الله يهديك..بالله تسمي هالخرابيط أخبار..
That is a mistake !!
أبو محمد:أجل وش نسميه يا روزفلت..
سلطان:حللللللللللللللللللللوة يبه في الثمنيات...
أبو محمد(بنظرة حادة):سلـــــــــــطان..
سكت سلطان..
أبو خالد لسلطان:هذا و أنت في الطب ما عقلت أجل من اللي يعقل يا سلطلط...
سلطان يصاصر عمه:هذا و أنت جد و أبو عيال يا عبدبد ما عقلت تبيني أعقل أنا؟؟؟
أبو خالد:أحم أحم......
أبو محمد:هاه يا بدر؟؟
بدر:عمي مصطلح الأخبار يطلق على كل نبأ جديد..لكن الحمد لله أخبارنا مثل ما ,,,,
قطع عليهم صوت جوال محمد..و لقطه أبو خالد..
أبوخالد:هناء عمري؟؟أنا ولد نووورة؟؟منهي هنا يا محمد؟؟أبو محمد(التفت له أبو محمد) ولدك يغازل..و ظنتي معرس على بنتي..
محمد(مفزوع):تكفى يا عمي..هاذي لين و الله يا إن تسمعك أنها تقلب ليلي نهار و نهاري ليل..تكفى عطنياه..
أبو خالد:معصي و أنا عبدالله..(و فتح الخط و سمع بنته)..
لين:حمود..وينك يا بعد عمري؟؟(بصراخ)وراك ما رديت علي؟؟
أبوخالد يطالع محمد اللي يترجاه و فيه الضحكة:أثرك مانتب هينة يا بنيتي؟؟
لين بصدمة:يبــــــــــــــــــــــه؟؟
أبو خالد:ههه هلا يبه..وراك معصبة و أنا أبوك؟؟
لين(منحرجة):أبد طال عمرك بس بغيت محمد..
أبو خالد:و أنا أبوك خفي على الرجال شوي..
لين(منحرجة):إن شاء الله..ممكن لو ما عليك أمر تعطيني محمد..
أبو خالد:محمد..دوك(بمعنى خذ)بصوت واطي)جاك الموت يا تارك الصلاة..الله وياك..
محمد(تنحنح و ابتسم على خفيف)..الكل ضحك ما عدا أبو محمد اللي كان يقرا جريدة امريكية..
محمد(يبلع ريقه):هلا..
لين:محمد اطلع برى الخيمة..
محمد(مرتبك):ليش..حرّ برا..
لين(تصر على أسنانها):أطلع برا..
محمد:إن شاء الله(يمثل لهم و هو رافع يدينه كأنه يدعي)-طلع برا-ها عمري طلعت..
لين(بصراخ):ليش ما رديت علي؟؟
محمد –قعد على كرسي في الحديقة-:حبيبي الجوال كان بعيد عني.. و يوم وصلت له رفعه عمي و رد عليك..
لين:طيب وش أخباركم؟؟
محمد بنعومة:ما بينا إحراج حبيبي قولي ميدو وش أخبارك عادي..
لين:و أنا شبي فيك؟؟أنت محوم كبدي أبي أعرف وش أخبار اللي عندك..
محمدبصوت حزين):لين؟؟ترا والله مليت..من يوم حملتي و بداك الوحم و أنت مو طايقتني..تكفين خفي علي شوي ما أتحمل..
لين:يعني وش أسوي مو أنت اللي بغيتني أحمل..قال إيش؟؟أموت على العيال..هذا أنت جايب اثنين و الثالث بالطريق و راميهم علي و لا قلت م.....
قاطعها محمد:لين..اوووووش؟؟تدرين شكثر الرمل؟؟
لين(اللي كانت ميتة عليه من بداية المكالمة و أساساً داقة تبي تسمع صوته..سكرت عيونها وسندت ظهرها للكنب بجلسة استرخاء و حطت يدها على بطنها و تحركها ...
برومانسية ترد):أدري..
محمد(سند ظهره للكرسي و حط يده تحت راسه و يطالع السما..الحمد لله هدت و بدت الرومانسية تشتغل..يا حللولو..):تدرين شكثر النجوم؟؟
لين-بنعومة-:أدري..
محمد:تدرين شكثر الشجر؟؟
لين:أدري..
محمد:تدين شقد كبر البحر؟؟
لين:أدري..
محمد:تدرين شكثر اثنين حبوا بعض؟؟
لين:أدري..
محمد:أنا أحبك كثر اللي قلت..و أكثر..يا أم عبد العزيز..
لين-و العبرة خانقتها-:حبيبي...حياتي...روحي... سامحني..والله غصب عني..تحملني.. جعلني فدوة لك..يا كل هلي و ناسي..
محمد(اللي ضاع لما سمع صوتها اللي فيه العبرة): يا هنى العمر ما قلت اللي قلته لأجل يضيق صدرك.. بس أبيك تحسين فيني..بس..-بهمس- بس..
لين (اللي طاحت دموعها):جعلي أفداك حاسة بك بس وش أسوي كل ما أشوفك و إلا أشم ريحتك تحوم كبدي...وععععع..
محمد:أفا أنا وععععع و أنا تحوم كبدك إذا شفتيني و إلا شميتي ريحتي..الله يسامحك..الله يرحم أيام العسل إذا فارقتك تنوحين من الصياح..
.....:مو بس المدام اللي تحوم كبدها منك كل العالم تحوم كبودهم منك..ياااااخي شفلك حل؟؟و ارحم العباد من شيفتك..
التفت محمد لمصدر الصوت و هو عاقد حواجبه بس مسرع ما انقلب وجهه لابتسامة محببة..
محمد:هلااااااااااا بالنسيب..(يكلم لين)أوكي حبيبي زوج لمار جا..أخليك الحين..
لين(بصوت ناعم):الله يحفظك يا روحي..مع السلامة..
محمد:آآآآآآآآآآآآآآآآآآآه ه ه-يكلم منصور و ليلى تسمعه-وش اللي جابك يا مفرق الحبايب و هادم المتعة..ياخي كنت في عالم ثاني و أنت جيت خربت علي..
لين تضحك و بعدين سكرت السماعة..
منصور:هلا والله يا بو عالم ثاني..يا معلم عطنا دروس خبرك مقبلين على حياة جديدة..
محمد-بنظرة عدم اهتمام-:لا لا توك صغير على ها الامور يا بابا..هههه..حياك تفضل الكل موجود في الخيمة..
راحوا منصور و محمد للخيمة..

.........
في صالة بيت الجدة نورة..
راما:و هذا اللي شريته لك يا ماما نورة(تحب تدلعها)..
كانت شارية جلابية بيضا مزخرف بتركواز.. جنـــــــــــــــــــــان..
حلا:لا ماما أنت شوفي الطرحة اللي شريتها لك أحلى من الجلابية مليووون مرة..
طرحة تل و كلها مطرزة بترتر و خرز أسود مخليها فخمة..
راما:لا يا ماما نورة الجلابية أحلى..الطرحة موديلها قديم..
حلا:تخسين و تعقبين إلا طرحتي أحلى كلاسيك..
و قعدوا يتهاوشون..
الجدة نورة تناظرهم مبتسمة..
ريف:بسسسسسسس.. خلاص تعبتوا ماما نورة..
الجدة نورة:لا يا بنتي إلا مستمتعة فيهم جعلي ما أخلى منهم يارب يا كريم..
حلا:طيب يمة مين الأحلى..؟؟
الجدة نورة:كلكم يا حبيبتي..-لفت على ريف- اجل –بطنازة- الحجة وييييين؟؟
ريف-تضايقت-:عند auntجولييت ..
الجدة نورة:و النكبة عااااد..
راما سكتت بس عيونها تنطق شرار..
حلا ترطب الجو:هههههه فاتك يمه من شفنا بالسوق..(توها بتقول السالفة الا و التلفون يرن)
...
الجدة نورة:راما ردي..
حلا تقوم تسابق راما:لأ هاذا بيتنا و أنا اللي أرد..
و ركضوا كلهم..و عند التلفون..راما توطى عباية حلا و تطيح حلا و تتعثر راما لأن حلا مسكت عبايتها و تنمد يد راما للتلفون..
راما:ألووووووو..ههههه حلا وخري عني..ألوووو مين؟؟
......:السلام عليكم..
راما:و علي.....
و تجر السماعة منها حلا و راما تضحك على شكلها نص البلوزة طالعة من العباية و الشعر منكش كأننا في حرب..
راما:هههههههههههههههههههههه..شكلك يا حلا تحفة بالله صورة..
حلا:انكتمي خليني أشوف التلفون..بصوت حرمة عجوز..تحسب أن اللي داق واحد من عيال إخوانها و إلا البنات..يا هلا يا مسهلا حيا اللـــــــــه من جانا..جانا؟؟قصدي حيا الله من دق علينا وش لونك ياوليدي ؟؟ عسا ما شر؟؟ ماشر إنشاء الله..-ههههه- تضحك بصوتها العادي؟؟ مييييييييييييييييييييييييييييييييييين؟؟
مشاري - يضحك على خبال حلا بس سكت لما قالت مين -:السلام عليكم..
حلا – على خبالها-:تقلد صوته العميق الرجولي):السلام عليكم..بديّر مسويلي فيها... خييييييييييييييير شتبي لا تحاول أنا تعبانة و توني جاية من السوق هلكانة و تافله العافية و رجولي تعورني و جوعانة و بتعشى..-تكلم نفسها بصوت عالي-أفففف قسم بالله تعبت يووووه يقلع شيطانك يا رامي كسرتي ظلوعي..
مشاري(يضحك عليه و هو حاط يده على السماعة يستناها تخلص التقرير)و يوم خلصت:سلامتك..
حلا بصوت العجايز:الله مير يسلمك..وشلونك؟؟وشخبارك بشرنا عنك؟؟
مشاري:ههه..الحمد لله..بخير.. وين عمتي نورة؟؟
حلا-انفجعت-شافت في الكاشف رقم جوال-:ميييين أنت؟؟
مشاري:أفا ما عرفتيني يا حلا..
حلا-مفجوعة و ترد بصوت هادي-:لا..
مشاري:نسيتي مشمش السواق؟؟
حلا(بصوت واطي):هاه؟؟ ..
مشاري:..من قال هاه سمع..أقول.. أقول وين عمتي نورة؟؟
حلا:لحظة..
مشاري يسمعها تنادي أمها و يتذكر البنت اللي الكل كرهها في البداية لأن وفاة الأبو كان مع أمها إلا مشاري اللي كان عمره14سنة بذاك الوقت وكان يرحمها و يلعبها و يوديها البقالة و يمشيها و كان هو اللي يدافع عنها..اللللللله أيام..
الجدة نورة:هلا و غلا بالطش و الرش و الغضار المنقش..
هلا بوليدي مشاري السموحة و أنا أمك البنات هبلوا بك مير حلا بزيادة الله يصلحها..
حلا تسمع و خدودها حممممممممممممممممرا..و البنات يضحكون عليها..
....:يا سلااااااااااااااااااااااااااااااااااام قاعدين يضحكون و نسونا و الله اللي عطونا ركبة..
الجدة نورة تكلم مشاري:كملت..
مشاري:وشي؟؟اللي كملت؟؟
الجدة نورة:ترحم على بيتي و أن أمك..دام أن لانا و لارا جو خلاص كملت العصابة و حلا زعيمتهم..
مشاري:ههههه الله يعينك يا عمتي..
لا:حرام عليك يمه..لا تسوئين سمعتي عند السواق..
-قالتها منى بعفوية-..
الجدة نورة:سواق اللي بياخذك... هذا مشاري و للمودة شاري..
مشاري فهم أن حلا قالت عنه سواق..يا حليلها هالبنت..
الجدة نورة:لحظة و أنا أمك أبروح لغرفتي..
حلا –معليه صوتها-:إييييييييييييييييييه ما تبغى نسمع الاسرار..
الجدة نورة:هين يا حويل بس خليني أرجع بس أرجع..واخزياه في وليد أخوي..هبلتن به..يا شين الرجة شيناه..اييييييه ما تعلمتن السنع...
راما تقاطعها: ماما الولد ع التلفون تعالي هاوشي بعديييين..
الجدة نورة:وووووه نسيته ,, و راحت للغرفة ,,
لانا:ههههه دام ماما نورة قالت خليني أرجع ترحمي على نفسك يا حلا..هههههه
حلا(تهز راسها بكل أسف):الله يرحمها ما تهنت بشبابها هئ هئ(تكلمهم بصوتها العادي)صيحوا معي(ترجع للصوت الباكي)يا حسافة شبابك يا حلا ...
لانا تلم حلا من كتفها:بسم الله عليك إن شاء الله بعد مية سنة..
حلا:لا وييييييييييييييييه..شف النذلة- فتحت لانا عيونها- تبغاني أعيش لحالي..جعل عمتك تتزوج(يقالها بتدعي عليها-تضرب بيدها على فخذها)كانك تبيني أقعد برويحاتي..
ضحكوا عليها البنات بعدين..
راما:لارا وين لمار؟؟
لارا تاكل أظافرها:راحت مع منصور يتعشون برا..
يا خي ذا الولد ما صدق أنه أعرس عليها إلا كل يوم و الثاني عندنا والله البلشة..
ريف – بصوت حزين-:خليهم يا لارا يتهنون.. الفترة هاذي أحلى فترة خليهم يستانسون..
راما و حلا و لانا اللي فاهمين على ريف و يعرفون شفيها نزلوا روسهم..
ريف-تبغى تغير الجو اللي سببته-:أقول لويرا ترا جبنا لك أنت و لوينا و لمور عشا شوفيه في الكيسة اللي وراك..
لارا و لانا على طول قاموا للكيسة وحلا تمت تطالع ريف..
حلا أكثر شيء يزعلها هو زعل ريف..ريف على طول التفتت لحلا و ابتسمت لها كأنها تطمنها أو تفهمها أنها عادية و مو مأثر عليها شيء..لكن حلا في هاللحظة شافت حزن كبير في عيون ريف..لكن ابتسمت هي بدورها لريف تقبلاً لابتسامتها..

يا ترى حلا بتحرك المويه؟؟و بتحاول الاصلاح بين الحبايب؟؟أساسا وش السالفة اللي بين خالد و ريف؟؟
مشاري و حلا؟؟بيصير بينهم شيء و إلا الموضوع عادي؟؟
راما و نواف؟؟
خالد و جيسيكا و الغموض حول سالفتهم؟؟
الجدة نورة ليش كلمت مشاري في غرفتها؟؟
و المزيد من الأحداث في حياة الروح..

شكرا شكرا شكرا على القصص الجميلة

واايد طوال ماشاء الله

تسلموووووووون قلبي ع المروووووور>>تراها للحين ماكلملت هي رواااااااااية مب قصة عادية هه ابي متابعة منكم اوك؟

مشكوووووووووورة على قصة بس اهي واجد طويلة

تسلميييين ع المروووووووور>>حرااااااااام لاتحطموني

اكملها ولا لااء؟>>ترى اني بعد متحمسة لها حالي حالكم انتظر ردكم عشان اقراها

اي نبي نكمل القصة

والله حبيبتي عسولة حاولت انزل بارت البارح بس يقولون مرة طويل واخاف اقسمه وأنسى وين وقفت واعيد من البداية

معليش ياقلبي القصة وايد طويلة
ومافي وقت أقعد أقرأ لكن أحاول
ولكن تسلمي ياقلبي

تسلمين ملكة بدون مملكة وان شاء الله انزل بارت عما قريب

شكرا على الموضوع