مصيبه في العين مول..شوفوا شو صار ....حسبي الله ونعم الوكيل

السلام عليكم ورحمه الله وبركاته..

انا من كم يوم كنت في العين..(زياره الاهل)..
وطقت في راسي اني اسير العين موول...قلت اتسوق واشوف شو عندهم شي يديد..

المهم وانا اتمشى ..لفت انتباهي محل يديد مااذكر اسمه ..(بس هو عدال كليرز-اللافته الخارجيه سوده)المهم دخلت وسألت الفلبينيه عن شغلات معينه وسبحان الله مالقيت اللي اباه..
جان تقول لي سيري المحل اللي عداله تراه تابع لنا يمكن تلقين اللي تبينه..المحل الثاني احيد اسمه (In Wear) اذا ماخاب ظني..
عموما وانا يالسه اطالع الاشيا ...عطتني الحرمه الكاتلوج مال المحل..وقالت لي فيه موديلات حلوه..وقبل مااحط الكاتلوج في الشنطه سألتها ...هالملابس made in وين.؟؟؟

جان تبتسم ..(مع العلم انها متحجبه يعني شكلها مسلمه والله اعلم) وتقول لي هذه صناعه دنماركيه ..قلت لها شووو؟؟؟؟؟؟؟ لا حبيبتي خذي الكاتلوج مالج تراني مقاطعه الدنمارك..

والله قلبي عورني ومارمت اشتري شي من المول من كثر الغصه اللي فيني.يعني مب محل لا محلين..ووين المسؤولين عنهم؟؟؟؟انا رحت اداره المول في نفس الوقت..بس للاسف كانوا مب موجودين لانهم مايداومون في الويكند..

بليز بناااات طلبتكن..خبروااا كل اللي يسير للموول...واللي تقدر تسير وتكلم اداره المول يزاها الله خير...والله انا كان ودي اسير لهم بس المشكله اني رديت دبي قبل ماارمسهم....



انا حبيت ابلغكن بحيث ان الكل ينتبه ..ويسأل قبل لا يشتري..ترى والله حرام اللي قاعد يصير فينا ..يستغفلونا هالتجار لمصلحتهم ...بس وين بيسيرون مب رب العالمين...



اللهم اني بلغت اللهم فأشهد....

تسلمي ع الرد

تسلمين حياتي ع الموضوع الجميل

مشكور حبيبتي ع الرد